Pagbebenta ng Dengvaxia ipinatigil, pinababawi sa merkado
Photo shows empty vials of the dengue vaccine Dengvaxia at the Manila Central Vaccine storage room in Sta. Cruz, Manila yesterday. STAR/Krizjohn Rosales
MANILA, Philippines — Hinarang na ng Food and Drug Administration (FDA) ang pagbebenta ng dengue vaccine Dengvaxia dahil sa dulot na panganib nito.
Iniutos din ng FDA sa pharmaceutical firm Sanofi Pasteur ang pagbawi ng mga Dengvaxia sa merkado kasunod ng pag-amin na maaaring magkaroon ng severe dengue ang mga naturukan ng bakuna.
"Sanofi was further directed to conduct an information dissemination campaign through Advisories, Dear Doctor Letters and Patient fora," utos naman ng Department of Health.
BASAHIN: Palasyo sa Dengue vaccination:Huwag mag-panic
Sinabi ng Sanofi na ang mga batang hindi pa nagkakaroon ng dengue na nabakunahan ng Dengvaxia ay posibleng magkaroon pa ng “severe” dengue "predominantly Grade I or II Dengue Hemorrhagic Fever.”
Inabisuhan naman ng Palasyo ang publiko na huwag mag-panic lalo na’t 10 porsiyento lamang ng higit 700,000 nabakunahan ang maaaring tamaan ng epekto nito.
"Wala pong dahilan para mag-panic. Tama naman po na nagkaroon ng konting bahala tayo dahil hindi naman natin alam na matapos maibigay sa mga kabataan akala natin complete immunity na from dengue,” wika ni presidential spokesperson Harry Roque.
Pinaimbestigahan na rin ng Deparment of Justice sa National Bureau of Investigation kung sino ang dapat panagutin sa programa ng DOH na nagsimula noong Abril 2016.
- Latest
