Palasyo kumpiyansang maipapasa ang 2018 budget

MANILA, Philippines — Sa kabila ng hindi pagkakasundo ng dalawang kapulungan, naniniwala ang Malacañang na maipapasa ang 2018 budget ngayong buwan.

“I can't comment on a purely speculative matter. I cannot believe that the House and the Senate cannot agree on next year's budget,” pahayag ni Roque ngayong Lunes.

“The Palace has all the confidence that we will have the budget pursuant to the request made by the Palace because this budget is crucial to the build, build, build program of the government intended to alleviate poverty in this country,” dagdag niya.

Hindi maplantsa ng dalawang kapulungan ang budget dahil sa hindi pagkakasundo tulad ng pagtatanggap ng Senado ng P50.7 bilyon mula sa Deparment of Public Works and Highways.

BASAHIN: Pagtanggal ng drug war budget may masamang epekto sa kampanya - Roque

Tinanggal din ng Senado ang nasa P1.4 bilyon na pondo ng Philippine National Police at Department of the Interior and Local Government na para sana sa anti-illegal drugs program.

Nagbabala si House Speaker Pantaleon Alvarez sa posibleng reenactment ng budget kung patuloy na igigiit ng Senado ang pag-amyenda sa proposed P3.767-trillion national budget para sa susunod na taon.

Kung hindi maipapasa ang 2018 budget ay muling ipatutupad ang P3.35 trillion budget ngayong taon.

Sa Disyembre 13 ang huling araw ng sesyon ng Kongreso.