Hustisya sa Maguindanao victims tiniyak ni Digong
Personal na kinausap ng Pangulo ang pamilya ng mga biktima kamakalawa ng hapon sa Malacañang kung saan ay sinamahan sila nina Presidential Spokesman Harry Roque at Presidential Task Force on Media Security executive director Usec. Joel Egoco. John Unson/File
MANILA, Philippines — Tiniyak ni Pangulong Duterte ang hustisya sa pamilya ng Maguindanao massacre victims sa ilalim ng kanyang termino.
Personal na kinausap ng Pangulo ang pamilya ng mga biktima kamakalawa ng hapon sa Malacañang kung saan ay sinamahan sila nina Presidential Spokesman Harry Roque at Presidential Task Force on Media Security executive director Usec. Joel Egoco.
“President Rodrigo Roa Duterte met with the families of the victims in Malacanang, where he assured them that justice will be delivered under his watch,” sabi ni Roque.
Inatasan mismo ni Pangulong Duterte si Justice Sec. Vitaliano Aguirre III na siguruhin na magkakaroon ng conviction sa mga principal suspects sa Maguindanao massacre.
Tinagubilinan din ni Duterte si Special Assistant to the President Sec. Bong Go na tulungan ang pamilya ng biktima ng Maguindanao massacre sa pamamagitan ng pagbibigay ng trabaho, scholarship at financial assistance sa mga ito.
“In return, the families expressed their profound gratitude to the President, who responded by saying that he is just fulfilling his duty as president to meet the ends of justice,” sabi pa ng presidential spokesman.
Magugunita na 58 katao kabilang ang 33 mediamen ang napatay sa madugong Maguindanao massacre noong November 23, 2009 sa Ampatuan town, Maguindanao.
Ang pamilya Ampatuan ang itinuturong nasa likod ng karumal-dumal na pagpatay.
- Latest
