Duterte pinuri ang pamilya Zobel de Ayala at Aboitiz
MANILA, Philippines — Pinuri ni Pangulong Duterte ang pamilya Zobel de Ayala at Aboitiz dahil sa patuloy na pagmamalasakit nito sa kanilang kapwa.
Ginawa ng Pangulo ang pasasalamat sa pamilya Zobel at Aboitiz sa ginanap na paglulunsad kamakailan ng partnership ng Department of Agriculture at Ayala Malls na tinatawag na TienDa Farmers and Fisherfolks Outlets, na naglalayong dalhin ang mga produkto ng mga lokal na magsasaka at mangingisda nang direkta sa mga kostumer at hindi na dadaan pa sa mga middlemen.
“We would like to thank the corporate, the corporations who have the sense of responsibility for their fellowmen,” pahayag ni Duterte.
Binanggit ng Pangulo ang malaking tulong na ibinigay ng Zobel de Ayalas sa bansa lalo na sa development ng major financial district tulad ng Makati.
“Coming over here, I passed by Davao Light, and sometimes, I would get struck by nostalgia, and I was wondering what would have happened to Davao City were it not for the enterprising family of Aboitiz,” dagdag ng Pangulo.
Ang Davao Light and Power Company, Inc. ang nagdi-distribute ng kuryente sa mga pangunahing lugar sa Davao region, kasama na ang Davao City, Panabo City at mga munisipalidad ng Carmen, Dujali at Sto. Tomas. Pag-aari ito ng Aboitiz Power Corp., ang power-generation arm ng Cebu-based publicly listed na Aboitiz Equity Ventures (AEV).
“Ito ‘yung mga tao na gumagamit talaga. There’s no doubt about it, they are imbued with the sense of responsibility sa kapwa tao nila,” paliwanag pa ni Duterte.
“Hindi mo naman madala (lahat ng pera mo) sa langit, lalo na sa impyerno, kukunin ni satanas ‘yan, ” pagbibiro pa ni Duterte.
Ang dalawang pamilya ay kilala sa pagpapatakbo ng pinakamalalaking holding firms by market capitalization tulad ng Ayala Corporation (AC), 2nd biggest, at ang AEV, ang pang-apat.
Sa 50 Richest Families 2017 list na inilabas ng Forbes magazine, ang Zobel (na pinamumunuan ni AC Chairman Emeritus Jaime Zobel de Ayala) ang 43rd richest family sa Asia, na may net worth na $6.13 billion. Hindi nakasama ang mga Aboitiz ngayong taon ito pero nasa 39th sila sa 2016 list.
- Latest
