NPA rebels sumuko na, bago bansagang terorista - DND
MANILA, Philippines — Sumuko na kayo!
Ito ang mariing hamon kahapon ng Department of National Defense (DND) kaugnay ng plano ni Pangulong Rodrigo Duterte na lagyan ng “terror tag” ang mga rebeldeng New People’s Army (NPA) sa bansa .
Sinabi ni Defense Spokesman Arsenio Andolong, kung hindi nais ng CPP-NPA rebels na malagyan ng “terror tag” ng administrasyon ay walang pinakamabuti kundi ang magsisuko ang mga ito sa batas.
Una nang sinabi ni Pangulong Duterte na pinaplano na niyang lagyan ng ‘terror tag’ ang komunistang mga rebelde matapos ang serye ng pagkakasangkot ng mga rebelde sa paghahasik ng terorismo kabilang ang pananambang sa convoy ng mga pulis na ikinasawi ng isang parak at isang 4 buwang sanggol na babae sa Talakag, Bukidnon noong Nobyembre 9 ng taong ito at iba pang uri ng karahasan.
“The SND (Secretary National Defense Delfin Lorenzana) has time and again called for the NPA to stop all their illegal activities, return to the fold of the law, and be part of the real change that the President
(Rodrigo Duterte) has spearheaded for the betterment of our country and the lives of our people,” pahayag ni Andolong.
Binigyang diin ni Andolong na hindi pa huli ang lahat para sumuko ang mga rebeldeng NPA, ang armed wing ng CPP-NDF dahilan binibigyan pa ang mga ito ng pagkakataon ng pamahalaan na magbalikloob sa batas.
“It is not yet too late for them. If they are really sincere in pursuing what is good for the Filipino nation, then they should lay down their arms and turn their backs on banditry and violence now,” sabi pa ng opisyal.
- Latest
