Crime rate bumaba - PNP
MANILA, Philippines — Bumaba ang Index Crime incident sa lahat ng rehiyon sa bansa partikular na sa mga krimen tulad ng murder, homicide, physical injury, rape, robbery, theft at carnapping.
Base sa record ng Philippine National Police (PNP), bumaba ng hanggang 20.56% ang Index Crime incidents sa loob ng nakalipas na 10 buwan ng 2017.
Subalit, naiatala naman ang bahagyang pagtaas ng Crime Volume sa loob ng 10 buwan simula Enero hanggang Oktubre sa Southern Tagalog (CALABARZON) at Northern Mindanao regions sa kabila ng overall 8.44% pagbaba ng total crime volume na naitala nationwide sa katulad na panahon.
Sa Comparative analysis ng Crime Information Reporting and Analysis System (CIRAS) noong January-October 2016 at January-October 2017 lumalabas na ang Region 4A at Region 10 ang nakapagtala ng 1.42% increase sa crime volume.
Ang nasabing Crime Volume ay dahil sa umano’y pagtaas ng insidente ng Non-Index Crime (NIC) o less serious criminal offenses na tumaas ng halos 80% ng Total Crime Volume sa national scale.
Base pa sa datos ng PNP sa nationwide average, halos karamihan sa kaso ng NIC na naitala ay paglabag sa special laws tulad ng RA 9262 (Violence Against Women and their Children Act); RA 7610 (child abuse); RA 9165 (Illegal drugs); RA 10591 (illegal firearms); PD 705 (illegal logging); RA4135(traffic code); RA9344 (Juvenile Welfare Act); at RA 9287 (illegal gambling).
Gayundin ang less serious criminal offenses tulad ng Acts of Lasciviousness, Alarm and Scandal, Direct Assault, Estafa, Threats, Malicious Mischief, and Unjust Vexation.?
- Latest