NPA mga terorista - Duterte
MANILA, Philippines — Muling tinawag ni Pangulong Duterte ang New People’s Army (NPA) na mga terorista.
Ayon sa Pangulo, sawa na siya sa mga ginagawa ng NPA na paninira ng mga property, pagsusunog ng mga equipment at pagpatay ng mga inosenteng tao, kabilang na ang isang apat na buwang sanggol.
Naniniwala si Duterte na wala nang saysay pa na ipagpatuloy ang usapang pangkapayapaan sa National Democratic Front of the Philippines (NDF), ang political front ng NPA.
Pahayag ng Pangulo, binigyan niya na ng go signal ang militar upang tugisin ang mga kriminal na NPA.
Hangga’t mayroong pinapatay na mga sibilyan ang CPP-NPA, wala anyang aasahan na peace talks.
“Ngayon, kung corrupt ako, kung pasista ako, kung mamamatay tao ako at DDS ako, then why talk to me?! Go find somebody else. Tapos they say that they fight for the people? What a lousy statement actually. Ayokong makipag-usap sa kanya. Magpapahinga lang mga sundalo ko but we will also go to the offensive,” sabi ng Pangulo.
Sa halip ay plano ng Pangulo na mag-issue ng proclamation na maglalagay sa CPP-NPA sa terror list.
“Here is the most important thing, I will recognize them as a legitimate rebellious but with their continued deprivations, and killing innocent people and even an infant, 4 months old, I’ll be issuing a proclamation. I will remove them from the category of illegal entity or at least a semi movement which would merit our attention…. pareho din sa America, terrorist. So beginning from now, wala ng rebellion rebellion because rebellion is a slight offense. It can be bailable. It’s up for the leader. We will file terrorist murder…arson… with murder, lahat na! Because I would consider them as criminals already,” sabi ng Pangulo.
- Latest