SSS loans, benefits puwede ng kunin sa ATM
MANILA, Philippines — Maaari na ngayong i-withdraw sa ATM ng mahigit 34,000 miyembro ng Social Security System (SSS) nag kanilang social security benefits at loans gamit ang kanilang Unified Multi-purpose Identification (UMID) cards.
Ayon kay SSS President at Chief Executive Officer Emmanuel F. Dooc, sa pamamagitan ng programa ay higit na mapapadali at mapapagaan ang pagkuha ng mga miyembro sa kanilang cash benefits sa disability; retirement; self-employed at voluntary; sickness at maternity claims gayundin ng salary at calamity loans.
“Doing direct transfer of funds for loans and benefit proceeds to the UMID card ATM accounts is safer and faster. It will eliminate the cost of printing and mailing of checks, as well as delay in the delivery of service due to postage time and lost checks. As soon as the loan is approved by SSS, it will only take at least 24 hours for our members to withdraw it from their bank accounts,” pahayag ni Dooc.
Sa ngayon anya, apat na bangko ang may kasunduan sa SSS para magpatupad sa programa tulad ng UnionBank of the Philippines (UBP) partikular sa mga branches sa Baguio, Diliman, Manila, Buendia, Cebu, Pioneer at Davao.
Ang naturang programa ay magbibigay ng mabilis at safe release ng loan at benefit proceeds at maiibsan nito ang dami ng bilang ng mga SSS members na mag-e-encash ng kanilang mga tseke sa bangko.
- Latest
