Presyo ng petrolyo may rolbak

MANILA, Philippines — Matapos ang limang linggong magkakasunod na oil price hike, tatapyasan ang presyo ng petrolyo sa susunod na linggo.

Maglalaro sa P0.50 hanggang P0.60 kada litro ang inaasahang bawas sa presyo ng gasolina habang P0.10 hanggang P0.20 kada litro naman ang ibababa ng presyo ng diesel.

May bawas-presyo rin sa kerosene na maglalaro sa P0.30 hanggang P0.40 kada litro.

Inabot ng halos P3 ang itinaas ng presyo ng gasolina habang P1.75 naman ang nadagdag sa presyo ng diesel sa nakalipas na limang linggo.