Government official na umaarbor sa anak ng drug queen ipapahanap ni Digong
MANILA, Philippines — Ipapahanap ni Pangulong Duterte ang sinasabing government official na umaarbor kay Dianne Yu Uy, anak ng convicted drug queen na si Yu Yuk Lai na nakakulong ngayon sa Correctional for Women.
Ayon kay Presidential Spokesman Harry Roque, ayaw na ayaw ng Pangulo ang mga ganitong hakbang lalo’t simula pa lamang ng Duterte administration ay inihayag na niyang wawakasan niya ang problema sa illegal drugs at corruption sa pamahalaan.
Ibinunyag mismo ni PDEA Director-General Aaron Aquino na isang mataas na opisyal ng gobyerno ang nagtangkang umarbor kay Ms. Yu matapos nila itong maaresto sa Unit 3D sa Jy J condominium sa 867 Gen. Solano St., San Miguel, Manila ilang metro lang ang layo sa Malacañang.
Siniguro naman ng Malacañang na hindi bibigyan ng presidential pardon ni Pangulong Duterte si Yu Yuk Lai.
Sinabi ni Presidential Spokesman Harry Roque na, galit na galit si Pangulong Duterte sa shabu kaya malabong mabigyan ito ng presidential pardon.
Kamakailan lamang ay nahulihan pa ng illegal drugs ang nasabing Intsik sa loob ng selda nito sa Correctional ng salakayin ito ng PDEA.
Aabot sa P15 milyong halaga ng shabu ang nasamsam dito na nakalagay sa banga at sa panty liners.
- Latest