Duterte nainsulto kay Trudeau
MANILA, Philippines — Inamin ni Pangulong Rodrigo Duterte na nainsulto siya sa naging pahayag ni Canadian Prime Minister Justin Trudeau na nakakabahala ang mataas na bilang ng napatay dahil sa anti-drug war ng administrasyon.
Sinabi ni Pangulong Duterte sa pagtatapos ng 31st ASEAN Summit na hindi na niya kailangang magpaliwanag dahil siya ay iniluklok ng mga Pilipino at sasagot lamang siya sa mga mamamayan.
Pinayuhan pa ng Pangulo ang mga kapwa lider ng bansa na huwag kumuha ng mga dokumento sa mga komunista at oposisyon dahil ito ay tiyak na binago na.
“I said I will not explain. It is a personal and official insult. That is why you hear me throwing down epithets, curses, nagmumura, b*ll sh*t and everything, because it angers me. When you are a foreigner, you do not know exactly what is happening in this country. You do not even investigate. You only show before the United Nations a record of how many persons died you claim to be extra-judicially… I said I do not. I said, “You can investigate, find out…” pahayag ng Pangulo.
Sa informal meeting nina Trudeau at Pangulong Duterte, ipinarating umano ng Canadian Prime Minister ang “concern” ng kanilang pamahalaan kaugnay sa isyu ng extrajudicial killings at human rights at iginiit na pairalin ang “rule of law”.
- Latest