2 dayuhang wanted inaresto ng BI
MANILA, Philippines — Nadakip ng mga tauhan ng Bureau of Immigration- Fugitive Search Unit (FSU) na pinangunahan ni BI intelligence officer Bobby Raquepo sa magkahiwalay na operasyon ang dalawang dayuhan na wanted sa kanilang bansa.
Kinilala ni BI Commissioner Jaime Morente ang mga dayuhan na sina Pan Guisheng, 73, Chinese national at Indian national na si Reddy Koyanna Venugopal Krishna, 38.
Ayon kay Morente, si Pan ay naaresto sa loob ng Jade Tower Condominium sa may kahabaan ng 2nd Avenue, Caloocan City.
Habang si Krishna ay may mga kinakaharap namang reklamo tulad ng acts of lasciviousness, estafa at pag-iisyu ng talbog na tseke
Nakatakda namang patalsikin palabas ng bansa si Pan na isa nang undocumented alien matapos kanselahin ang kanyang pasaporte ng gobyerno ng China.
Si Krishna naman ay naisyuhan na ng summary deportation order ng BI board of commissioners dahil sa pagiging ‘undesirable alien’ nito.
Gayunman, paliwanag ni Morente na hindi pa kaagad ide-deport si Krishna dahil may iba pa itong mga nakabinbin na kasong kriminal sa korte.Sinabi naman ni Atty. Ma. Antonette Mangrobang, BI spokesperson, na ang dalawa ay napabilang na sa kanilang immigration blacklist upang hindi na sila makabalik pa sa Pilipinas sa oras na sila ay ma-deport.
- Latest
