MPC kay Mocha: Malacañang Press, independent!

MANILA, Philippines — Iginiit kahapon ng Malacañang Press Corps (MPC) na isa itong independent na organisasyon at hindi konektado o nasa ilalim ng pamamahala ng Presidential Communications Operations Office (PCOO).

Naglabas ng pahayag ang MPC matapos lumiham si Asec. Esther Margaux Uson kay Presidential Communications Sec. Martin Andanar na humihiling na patalsikin bilang miyembro ng MPC ang Rappler reporter na si Pia Ranada at dumaan sa kanyang tanggapan para sa accreditation dahil isa itong social media.

“The Malacañang Press Corps (MPC) is an independent organization of journalists from various news organizations assigned to regularly cover the Philippine President and Malacañang events,” ayon sa statement ng MPC.

Iginiit ng MPC na hindi sakop o wala sa ilalim ng PCOO o anumang ahensya ng gobyerno ang MPC na may sariling sinusunod na panuntunan na naayon sa sarili nitong by-laws.

“The MPC and its affairs, governed by by-laws in accordance with the constitutional provision on press freedom, is not in any way under the control and supervision of the Presidential Communications Operations Office (PCOO) or any government agency,” dagdag pa sa statement ng MPC.

Iginiit ng MPC na magpapatuloy ang kanilang paninindigan sa malayang pamamahayag at pananatilihin ang kanilang pagbibigay ng impormasyon sa publiko.

“The MPC deplores any attempt to curtail press freedom and will continue to ensure a strong free press, keep public informed and the government in check,” giit ng MPC.