DDB chair Dionisio pinagbitiw ni Duterte
MANILA, Philippines — Nagsumite ng kanyang irrevocable resignation si Dangerous Drug Board (DDB) chairman Dionisio Santiago kay Pangulong Duterte.
Ginawa ng retired AFP chief ang kanyang pagbibitiw matapos ipaabot sa kanya ni Executive Secretary Salvador Medialdea ang kautusan ng Pangulo na magbitiw na ito bilang DDB chief.
Ito’y matapos mapaulat ang komento ni Santiago na isang malaking pagkakamali ang pagtatayo ng mega rehab facility sa Nueva Ecija.
“Malacañang knows best. The boss is always right,” wika ni resigned DDB chairman sa isang panayam sa telebisyon.
Bago ito nagbitiw, ay hiniling pa nito kay Pangulong Duterte ang pagpayag nito para sa strategy plan upang labanan ang narcotics.
Magugunita na sinibak din ni Duterte ang naunang DDB chairman na si Benjamin Reyes matapos kontrahin nito ang numero ng drug dependents sa bansa.
Ang palaging binabanggit ng Pangulo sa kanyang mga speeches ay nasa 4 milyon ang drug dependents sa bansa pero sinabi ni Reyes sa isang event na dinaluhan nito ay nasa 1.8 milyon lamang ang drug addicts sa Pilipinas.
- Latest
