Komedyante inaresto sa pangmomolestya
MANILA, Philippines — Isang ‘beking’ ko-medyante at aktor sa telebisyon ang nadakip matapos umano nitong hipuan, yakapin at paghahalikan ang isang bell attendant, kamakalawa sa isang hotel-casino sa Parañaque City.
Nasa custody nga-yon ng pulisya at nahaharap sa kasong Acts of Lasciviousness ang suspek na si Ronnie Arana, alyas “Atak”, 45.
Kinilala naman ang nagreklamong si Mark Christian Macavinta, 21, binata, bell attendant sa Okada Manila, na mata-tagpuan sa Brgy. Tambo, Parañaque City.
Sa report na natanggap ng director ng Southern Police District (SPD) na si Police Chief Supt. Tomas Apolinario Jr., naganap ang insidente alas-2:40 ng hapon sa Entertainment City, Room 725 ng nasabing hotel-casino.
Sa naging reklamo ni Macavinta sa Parañaque City Police, inasistihan aniya niya ang suspek sa complimentary room nito.
Pagpasok niya ay biglang isinara ni Arana ang pintuan ng inuukupahan nitong kuwarto at dito na siya umano hinipuan sa maselang bahagi ng katawan, niyakap at pinaghahalikan.
Nagpupumiglas ang biktima at nagawa nitong makawala mula kay Arana at kaagad ini-report sa kanilang security personnel ang insidente dahilan upang arestuhin ng mga guwardya si Arana at tinurn-over ito sa Parañaque City Police.
- Latest