Temporary shelters ng evacuees handa na sa Disyembre - Palasyo
MANILA, Philippines — Handa na raw sa Disyembre ang mga temporary shelters para sa mga residente ng Marawi City.
Ayon kay Presidential Communications Sec. Martin Andanar, kasalukuyang nasa clearing process pa rin daw ang mga otoridad sa iba’t ibang lugar sa loob ng war zone para matiyak na walang naiwang mga bomba sa mga ito bago pa man magsibalikan sa kani-kanilang mga bahay ang residente ng nasabing lungsod.
Sinabi ni Andanar na ang pagtayo ng mga imprastraktura para sa mga internally displaced persons ay magsisimula rin daw kaagad sa lahat ng mga lugar sa Marawi City sa oras na maideklara itong cleared.
Samantala, maaring asahan daw ng mga sundalong lumaban sa Marawi City kontra Maute Group ang pangakong bakasyon sa Hong Kong ni Pangulong Duterte.
Ayon kay Andanar, matutuloy din ang naturang bakasyon ng Marawi soldiers.
Bagama’t wala pa aniyang petsang sinabi ang punong ehekutibo, tiyak naman na matutuloy ito.
- Latest