Heroes welcome sa mga sundalo
MANILA, Philippines — Ginawaran kahapon ng heroes welcome ang tropa ng mga bayaning sundalo matapos bumalik na sa kanilang mother unit kahapon galing sa bakbakan laban sa Maute-Islamic State of Iraq and Syria (ISIS) sa lungsod ng Marawi.
Ayon kay Captain Melchor Durana, spokesman ng Army’s 1st Infantry Division (ID), alas-8 ng umaga kahapon ng bigyan ng parangal ni Army’s 2nd ID Commander Major Gen. Rhoderick Parayno ang tropa ng 1st Infantry (Always First) Battalion (IB) na pinamumunuan ni Lt. Col. Christopher Tampus sa simpleng seremonya sa kanilang himpilan sa Camp Capinpin, Tanay, Rizal.
Ang tropa ni Col. Tampus ang nagsilbing 1st responder matapos mangailangan ng karagdagang augmentation troops sa pagsiklab ng kaguluhan sa Marawi City bunga ng paglusob ng Maute-ISIS noong Mayo 23.
Ang tropa ni Tampus na nasa isang batalyon o 500 sundalo ay idineploy noong Hunyo 1 sa Marawi City para tulungan ang puwersa ng militar sa lugar sa tumitinding bakbakan sa battle zone ng lungsod.
Nabatid na ang nasabing tropa ay namatayan ng isang sundalo habang 13 ang nasugatan, ayon kay Durana.
Ang deployment ng tropa ni Campus sa Marawi City ay tumagal ng apat na buwan at 20 araw.
“Your accomplishments is the proof of the combat expertise and excellence of the Jungle Fighters wherever we may be deployed in country,” pahayag ni Parayno.
“I also take cognizance of the role of your female soldiers. You have shown the world the embodiment of the modern Maria Clara – strong, aggressive, determined, patriotic and above all, lady like and charismatic,” sabi pa ng heneral.
- Latest
