Gordon sinampahan na ng reklamo ni Trillanes sa Ethics
MANILA, Philippines — Sinampahan na kahapon ng reklamo ni Sen. Antonio Trillanes IV si Sen. Richard Gordon sa Senate ethics committee.
Sa 27 pahinang complaint, hiniling ni Trillanes na parusahan si Gordon dahil sa kanyang unparliamentary acts dahil sa kanyang pananalita at mga inasal na labag umano sa Rules of the Senate, Revised Penal Code at Code of Conduct and Ethical Standards for Public Officials and Employees.
Inihalimbawa ni Trillanes sa kanyang reklamo ang diumano’y malisyosong pananalita ni Gordon noong Agusto 31, 2017 sa pagdinig ng blue ribbon committee tungkol sa P6.4 bilyong shabu kung saan nagkasagutan silang dalawa ni Gordon.
Maging ang naging sagutan sa pagitan nina Gordon at ngayon ay nakakulong na si Sen. Leila de Lima sa hearing noong October 3, 2016 ay isinama rin ni Trillanes sa reklamo.
Sinabi ni Trillanes na ang mga unparliamentary acts, language at conduct o disorderly behavior ni Gordon sa ilang committee hearings sa Senado ay maliwanag na paglabag sa batas at rules of the Senate na nakakaapekto aniya sa imahe ng Senado.
- Latest
