Paolo magiging super typhoon
MANILA, Philippines — Nagbabala ng malawakang pag-ulan, baha at posibleng landslide dahil sa bagyong Paolo.
Ayon sa Joint Typhoon Warning Center, asahang magiging supertyphoon ang nasabing sama ng panahon sa loob ng 24-48 oras.
Kaya kahit hindi magla-landfall ang mata ng bagyo, tiyak na mararamdaman ang hangin at ulang dala nito.
Kabilang sa mga inaabisuhan ukol sa baha ang Palawan, Bicol Region, Visayas, Caraga, Northern Mindanao, Zamboanga Peninsula at Autonomous Region in Muslim Mindanao.
Huling namataan ang sentro ng bagyo sa layong 945 kilometro sa silangan ng Infanta, Quezon.
Taglay nito ang lakas ng hangin na 120 kilometer per hour (kph) at may pagbugsong 145 kph.
Kumikilos ito nang pahilaga hilagang kanluran sa bilis na 15 kph.
Habang isang low pressure area naman ang nananatili sa hilagang kanluran ng Puerto Princesa, Palawan.
- Latest