Hontiveros kinasuhan ng kidnapping, wiretapping

MANILA, Philippines — Sinampahan kahapon ng mga kasong kidnapping, obstruction of justice at wiretapping sa tanggapan ng Ombudsman ni dating Negros Oriental Rep. Jing Paras si Senador Risa Hontiveros kaugnay sa umano’y pag-custody ng senadora sa mga menor-de-edad na nagsilbing saksi sa kaso ng Kian Delos Santos killing.

Ipinaliwanag na ang wiretapping complaint ay bunsod sa ginawang privilege speech ni Hontiveros sa Senado nang magpakita siya ng litrato ng umano’y palitan ng text messages nina Paras at Justice Secretary Vitaliano Aguirre, sa kasagsagan ng Senate hearing, na sinasabing nagplano umanong magsampa ng kaso laban sa mambabatas.

Binigyang-diin ni Paras na siya ay nagsampa ng kaso kay Hontiveros bilang tugon sa hamon ng senadora hinggil sa isyu.