Maute terrorists gusto nang sumuko
MANILA, Philippines — Marami na umanong mga miyembro ng teroristang grupo na Maute ang gustong sumuko sa pamahalaan.
Ayon kay Col. Romeo Brawner Jr., Deputy Commander ng Joint Task Force Marawi na, may mga nakukuha na silang surrender feelers mula sa mga miyembro ng Maute.
Paliwanag ni Brawner, ang natanggap nilang feelers mula sa mga terorista ay dahil sa paglagay nila ng speakers sa main battle area na naghahayag kung ano ang procedures kapag sumuko sila sa gobyerno.
Ang mga nais umanong sumuko maging combatants o ang mahuhuli sa gitna ng palitan ng putukan ay sasailaim sa medical at psychiatric testing.
Kasama rin sa proseso ng militar sa mga susuko ay ang pagdetermina kung ang mga sumuko ay mga miyembro ng Maute, mga napilitan lang sumali, mga hostages o ang nagbalik Islam.
Samantala, muling bubuksan ng militar ang ilang lugar sa Marawi City para makuha ng mga residente ang kanilang mahahalagang gamit.
Samantala, muling bubuksan ng militar ang ilang lugar sa Marawi City para makuha ng mga residente ang kanilang mahahalagang gamit.
Ayon kay Brawner, ang mga lugar na bubuksan nila ay ang tinukoy na ng militar na ligtas at ang mga residente doon ay papayagan lamang na makapasok subalit limitado.
- Latest