Bautista umalma sa akusasyong ‘lutong Macau’ sa impeachment
MANILA, Philippines — Umalma kahapon si Commission on Election (Comelec) Chairman Andres Bautista sa akusasyon ni dating Negros Oriental Rep. Jacinto Paras na umano’y “lutong Macau” ang ginawang pagbasura ng mga mambabatas sa kinaharap na impeachment complaint sa Kamara.
Ito’y matapos 22 mambabatas ang bumotong insufficient in form ang reklamo habang dalawa lamang ang tumutol para rito.
Ayon kay Bautista, imposible naman na isakripisyo ng mga mambabatas ang kanilang trabaho kung mismo sila ang nakakita na walang basehan ang inihain na reklamo laban sa kanya.
Sinabi ni Bautista na kailangang matuto rin na gumalang ang kanyang mga kritiko katulad nang pagpaubaya niya na sasampahan ito ng reklamo kahit paninira lamang ng pagkatao nito ang pangunahing layunin.
Una na ring itinanggi ng opisyal na walang basehan ang hinala na ilan umano sa mga kongresista ay nakakuha ng benepisyo mula sa kanya noong nakaraang 2016 national elections.
- Latest