Honeylet inimbitahan ni Melania Trump
MANILA, Philippines — Nilinaw kahapon ng Malacañang na inimbitahan ni US First Lady Melania Trump ang common-law-wife ni Pangulong Duterte upang dumalo sa event sa United Nations General Assembly sa New York.
Sinabi ni Presidential Spokesman Ernesto Abella na mismong si Melania Trump, ang nag-imbita kay Honeylet Avancena.
Nagsalita si Mrs. Trump kamakalawa sa UNGA luncheon tungkol sa pagprotekta sa mga bata na isa sa advocacy ni Avancena. Naroroon din ang ibang spouses ng mga lider ng iba’t ibang bansa.
Bagama’t hindi opisyal na First Lady ng bansa si Avancena ay ginagampanan niya ito bilang common-law-wife ni Duterte. Sinasamahan ni Honeylet ang Pangulo sa kanyang mga foreign trips.
Kinumpirma din ng Department of Foreign Affairs na hindi kasama sa official delegation ng Pilipinas si Avancena pero imbitado ito ni Mrs. Trump sa UNGA.
- Latest