Duterte makiki-rali rin
Magsasagawa rin ng rally ang mga supporters ni Pangulong Duterte sa Plaza Miranda. File
MANILA, Philippines — Tatapatan ng mga Duterte Diehard Supporters (DDS) ang ikinakasang rally ng iba’t ibang sector sa “national day of protest” sa araw na ito.
Magsasagawa rin ng rally ang mga supporters ni Pangulong Duterte sa Plaza Miranda.
Ang militanteng grupo naman ay magtitipon-tipon ngayong alas-4 ng hapon sa Luneta Park matapos ang kanilang rally sa Mendiola.
Sinabi ng Pangulo sa panayam ng PTV 4 kamakalawa ng gabi na maging siya ay sasama din sa kilos protesta sa araw na ito.
Ayon sa Pangulo iproprotesta niya ang mga dilawan na kasalukuyang nakaupo sa gobyerno na hindi naman niya masibak dahil sila ay protektado ng security of tenure.
Inihayag ng Pangulo na malaya ang sinuman at alin mang grupo na maglabas ng saloobin sa gobyerno sa ilalim ng prinsipyo ng demokrasya basta walang malalabag na batas at mananatiling payapa ang mga kilos protesta.
Magugunita na nagpalabas ng kautusan si Pangulong Duterte na nagsususpinde sa pasok sa executive branch gayundin sa pampublikong paaralan sa buong bansa kasama ang mga state colleges and universities.
- Latest
