Tattoo sa likod: Paolo Duterte miyembro ng ‘triad’ – Trillanes
Dumalo sa pagdinig ng Senado si Davao Vice Mayor Paolo Duterte, panganay na lalaki ni Pangulong Rodrigo Duterte. Senate PRIB
MANILA, Philippines – Inakusahan ni Sen. Antonio Trillanes si Davao Vice Mayor Paolo Duterte na miyembro ng “triad” base sa tattoo sa likod niya.
Sa pagdinig ng Senado sa anomaly sa Bureau of Customs, tinanong ni Trillanes si Duterte kung meron siyang tattoo.
Sinabi ni Trillanes na may nakuha siyang impormasyon mula sa ibang bansa na may samahan si Duterte at lahat ng miyembro nito ay may tattoo.
Inamin naman ito ng vice mayor ngunit hindi kinumpirma kung ano ang disenyo nito at iginiit ang kaniyang right of privacy.
Sen. Antonio Trillanes: May tattoo ka ba sa likod mo?
— Pilipino STAR Ngayon (@PilStarNgayon) September 7, 2017
VM Duterte: Meron po.
Vice Mayor Duterte: I cannot answer allegations based on hearsay.
— Pilipino STAR Ngayon (@PilStarNgayon) September 7, 2017
Matapos magkainitan si Trillanes at Senate Blue Ribbon committee chair Sen. Richard Gordon, inimbitahan na rin at dumalo si Duterte at bayaw na si Manases Carpio.
Ilang beses nabanggit ang pangalan nina Duterte at Carpio kaya naman hiniling ni Trillanes na padaluhin ang dalawa upang malinis na rin ang kanilang pangalan.
Noong una ay hindi ito pinayagan ni Gordon ngunit kalaunan ay inimbitahan na rin ang anak at manugang ni Pangulong Rodrigo Duterte.
- Latest
