Testigo sa Kian killing, hawak ng senador
Nasa pangangalaga ng senador ang ilang testigo bago ang pagsalang nila sa nakatakdang imbestigasyon ng Senado kaugnay sa sinasabing “murder” case ni Kian. AP/File
MANILA, Philippines - Matapos na makatanggap ng death threats, nasa kustodiya na ni Sen. Risa Hontiveros ang mga testigo laban sa mga pulis na umano’y bumaril at pumatay sa 17-anyos na estudyanteng si Kian Loyd delos Santos.
Ayon sa senadora, bibigyan niya ng proteksyon ang mga witness katuwang ang isang institusyon na kaparehas sa ibibigay na proteksyon sa pamilya ng napatay na si Kian Loyd.
Si Hontiveros ay dumalaw sa burol ni Kian at personal na nakausap nito ang pamilya ng biktima.
Bukod kay Hontiveros, dumalaw din si Vice Pres.Leni Robredo sa burol ni Kian sa Caloocan.
Nasa pangangalaga ng senador ang ilang testigo bago ang pagsalang nila sa nakatakdang imbestigasyon ng Senado kaugnay sa sinasabing “murder” case ni Kian.
- Latest
