Kaso ng bird-to-human flu wala pa sa Pinas
“As of this time, there has been no report of bird-to-human contamination in the Philippines,” pahayag ni Presidential Spokesperson Ernesto Abella na tiniyak na naililipat lang ang bird flu sa pamamagitan ng “respiratory routes.” Philstar.com/File photo
MANILA, Philippines - Wala pa ring kaso ng “bird-to-human contamination” sa bansa kahit pa napaulat na mayroon na ring bagong kaso ng bird flu sa Nueva Ecija.
“As of this time, there has been no report of bird-to-human contamination in the Philippines,” pahayag ni Presidential Spokesperson Ernesto Abella na tiniyak na naililipat lang ang bird flu sa pamamagitan ng “respiratory routes.”
Ipinalala rin ni Abella na mahalagang maluto ng mabuti ang mga manok at itlog para matiyak ang kaligtasan ng mga consumers.
Tiniyak naman ni Abella sa publiko na masusing binabantayan ng gobyerno ang bagong kaso ng bird flu sa Nueva Ecija.
Hinikayat din nito ang publiko na tigilan ang pagpapakalat ng mga pekeng balita na nagdudulot ng panic sa mga mamamayan.
Idinagdag ni Abella na mabilis namang kumikilos ang mga kinauukulang ahensiya ng gobyerno upang maiwasan ang pagkalat ng bird flu.
Nagpapatupad na rin aniya ng surveillance sa mga komunidad kung saan nakapagtala ng pagkamatay ng mga manok.
- Latest
