Taguba, 8 pa kinasuhan sa DOJ
MANILA, Philippines - Sinampahan na ng kaso ng National Bureau of Investigation (NBI) sa Department of Justice si Customs broker Mark Taguba, negosyante at umano’y middleman na si Kenneth Dong at 7 iba pa kaugnay ng P6.4 bilyong shipment ng shabu na idinaan sa Port of Manila noong Mayo.
Kasong paglabag sa Section 4 ng Drugs Law (importation of drugs) ang kasong isinampa sa DOJ laban sa mga nabanggit na akusado kasama ang Taiwanese nationals na sina Chen Min at Jhu Ming Yun na sangkot umano sa mga nakuhang droga sa isang warehouse sa Valenzuela.
Kapwa akusado sa kaso ang Chinese national na si Richard Tan o Richard Chen na umano’y shipper ng kontrabando, Customs broker Teejay Marcellana, Fidel Dee at Eirene Mae Agustino Tatad na umano’y consignees ng shipment at Chinese businessman Li Guang Feng alias “Manny Li.”
Dagdag na kaso pa ang isinampa kina Li, Dong at Taguba.
- Latest
