UP hindi na maniningil ng matrikula simula ngayong semestre

MANILA, Philippines – Hindi pa man ipinatutupad ang bagong batas, sinimulan na ng University of the Philippines ang libreng edukasyon para sa kanilang mga estudyante ngayong semestre.

Inihayag ni UP President Danilo L. Concepcion na wala silang kokolektahing matrikula at iba pang bayarin alinsunod sa Sections 4 at 6 Republic Act 10931 o ang Universal Access to Quality Tertiary Education Act na isinabatas ni Pangulong Rodrigo R. Duterte nitong nakaraang linggo lamang.

Hindi naman kasama sa libreng edukasyon ang mga lumampas na sa maximum residency requirement gayun din ang mga kumukuha ng medicine at law.

JUST IN: UP scraps collection of tuition and other fees starting this semester. | @janvicmateo pic.twitter.com/7dV9Bxz2TV

— The Philippine Star (@PhilippineStar) August 8, 2017

Sa susunod na taon pa inaasahang ipatupad ang libreng edukasyon para sa mga state universities at colleges sa buong bansa.

Matapos lagdaan ang panukala, inamin nito lamang ni Duterte na walang pondo ang gobyerno para saluhin ang gastusin sa libreng edukasyon.