Imee Marcos binawi ang paratang sa LP, Aquino

MANILA, Philippines – Matapos paratangan ang Liberal Party (LP), iniurong na ni Ilocos Norte Gov. Imee Marcos ang alegasyon niya na babayaran umano ng P100 milyon ang sinumang kongresista na makakapagpakulong sa kanya kaugnay ng isyu sa tobacco excise tax.

"For that I apologize and withdraw my statement. It was my mere suspicion and given that the sources uncertain, I withdraw the accusation to the integrity and to the honor of the House that a hundred million circulated," wika ni Marcos na dumalo sa pagdinig ng Kamara ngayong Martes.

“Hindi po totoo ‘yun at ako’y nagpapaumanhin kung nasaktan ang ibang miyembro ng ating kongreso,” paliwanag ni Marcos.

BASAHIN: Matapos isnabin, Imee Marcos dumalo sa House hearing

Nagpasalamat naman si Majority leader Rudy Fariñas sa ginawang paglilinaw ni gobernadora.

Samantala, nilinaw naman ni Marikina Representative Miro Quimbo na walang kinalaman ang LP at ang dating pangulong Noynoy Aquino sa naturang isyu.

“Majority floor leader is the farthest person that the Liberal Party will help. He’s personally responsible for decimating our number from 130 to 27,” wika ni Quimbo

Muli namang humingi ng paumanhin ang gobernador sa mga binitiwang salita.

BASAHIN: ‘Ilocos 6’ laya na!

"I apologize. I have no notion what actually was written up in the media and I decry the dragging in of the name of President Noynoy Aquino who was my colleague in the House as part of the opposition for years and years," sagot ni Marcos.

Sa gitna ng pagdinig ay tinanong ni Fariñas kung sino ang source ni Marcos sa ginawang paratang.

Sinubukan pang itago ni Marcos ang pangalan ng kanyang source ngunit kalauna’y inamin din niya na wala itong katotohanan dahil na rin sa banta ni Fariñas.

Sinabi ng majority floor leader na maaaring ma-cite for contempt ang gobernadora dahil sa kaniyang mga paratang.