Mindanaoans pabor sa ML extension-Bato

MANILA, Philippines -  Pabor na pabor ang malaking bilang ng mga residente sa Mindanao sa pagpapalawig ng Martial Law sa rehiyon hanggang Disyembre 31, 2017 at tanging mga taga-Luzon lamang ang nag-iingay o pumapalag.

Ito ang inihayag kahapon ni PNP Chief P/Director General Ronald “Bato’ dela Rosa matapos na pagtibayin sa special session ng Kongreso nitong Sabado ang nais ni Pangulong Rodrigo Duterte na mapalawig pa ang Martial Law ng karagdagang limang buwan.

“The people of Mindanao are taking it very positive, only people here in Luzon who are noisy opposing it (but) they are not living in Mindanao,” pahayag ni Dela Rosa.

Samantala, sa pamamagitan ng pinalawig na Martial Law, ayon pa sa opisyal ay mabibigyan pa ng karagdagang panahon ang mga awtoridad upang maaresto ang mga narco-politicians at iba pang personalidad na sangkot sa rebelyon sa lungsod ng Marawi.

“They are now on the run…what is important is that while they are listed on that order of arrest…, even though, they are not yet arrested, they are on the run, their support to the Maute is distracted, and their drug trade is disrupted,” ang sabi pa ng PNP Chief.