Gobernador, et al ng Aklan absuwelto sa kasong katiwalian
MANILA, Philippines - Pinawalang-sala ng Sandiganbayan ang mga opisyal ng Panlalawigan ng Aklan mula kasong katiwalian.
Kinilala ang mga pinawalang-sala na sina Corazon Cabagnot, Provincial Governor; Liberato Ibaldit, Vice Governor; Even Timtiman, Treasurer; Victory Fernandez, Engineer; Felicisimo Tanumtanum, Jr., Engineer IV; Reynaldo Dionisio, Project Engineer at contractor na si Delia Legaspi may-ari ng Jireh Construction and Supply.
Ang mga ito ay kinasuhan ng Ombudsman ng 14 counts ng paglabag sa Sec. 3 ng RA 3079 matapos na pumasok sa kontrata ang Aklan Provincial sa Jireh Construction and Supply sa pagpapagawa ng Alibagon-Baybay Bridge, Phase III kung saan ang mga ito ay inakusahang nagsabwatan.
Na-dismis naman ang kaso laban kina Cabagnot, Timtiman at Ibaldit dahil pumanaw na ang mga ito habang nililitis ang kaso.
Lumitaw sa mahabang paglilitis na nabigo ang prosecution na nagkaroon ng sabwatan ang mga opisyal upang paboran ang nasabing kontraktor.
Dahil dito, absuwelto sa naturang kaso sina Cabagnot at ang iba pang opisyal ng Aklan.
- Latest