Free baggage allowance sa mga sundalo
Ikinagalak ng Armed Forces of the Philippines (AFP) ang ipinakitang malasakit ng Air Asia na nagkakaloob ng free baggage allowance nang hanggang 40 kilo kabilang ang mga libreng meals at merienda sa loob ng eroplano para sa ma sundalong nasa peace keeping mission sa buong bansa. AP/Bullit Marquez, File
MANILA, Philippines - Ikinagalak ng Armed Forces of the Philippines (AFP) ang ipinakitang malasakit ng Air Asia na nagkakaloob ng free baggage allowance nang hanggang 40 kilo kabilang ang mga libreng meals at merienda sa loob ng eroplano para sa ma sundalong nasa peace keeping mission sa buong bansa.
Nabatid na ang magandang hakbanging ito ng Air Asia ay nag-viral sa social networking site sa Facebook na ipinoste ng isang Inday Rakel kung paano tinulungan ng mga pasahero ang tatlong sundalo na patungong Marawi at Cotabato sa sobrang bagahe ng mga ito.
Ang tatlong sundalo na nag-commercial flight ay may mga dalang mabibigat na bagahe na sobra sa itinakdang bigat sa kilo ng mga bagahe para sa mga pasahero.
“The happy incident at the airport pertaining to three of our soldiers who had excess baggage and were helped by our civilian kababayans “bayanihan” style was very inspiring and heartening. We truly appreciate their assistance and the overwhelming support we are getting from the public,” pahayag ni AFP spokesman B/Gen. Restituto Padilla Jr.
Ayon kay Padilla, ang mabilis na pag-aaksyon ng Air Asia sa bago nitong polisiya ay pagpapakita ng malasakit sa mga sundalong nagsasakripisyo para umiral ang kapayapaan sa bayan.
Sinabi ni Padilla na maaring wala ng biyahe ang mga C130 patungong Cotabato kaya napilitan ang mga sundalo na sumakay sa commercial plane.
- Latest
