2 araw na coding ‘anti-poor’ - solon
Ayon kay Eastern Samar Rep. Ben Evardone, papabor lamang ang panukala ni Lim sa mga mayayaman dahil maaari silang bumili ng mga bagong sasakyan na lalo lamang magpapalala ng daloy ng trapiko sa Kamaynilaan. File
MANILA, Philippines - Tinawag ng isang kongresista na “anti-poor” ang panukala ni Metro Manila Development Authority (MMDA) Chairman Danilo Lim na dalawang araw na number coding sa Metro Manila.
Ayon kay Eastern Samar Rep. Ben Evardone, papabor lamang ang panukala ni Lim sa mga mayayaman dahil maaari silang bumili ng mga bagong sasakyan na lalo lamang magpapalala ng daloy ng trapiko sa Kamaynilaan.
Habang ang mga wala umanong kakayahan na bumili ng bagong sasakyan ay magdurusa at hindi magiging produktibo dahil sa palpak na mass transport system.
Kaya suhestyon ng mambabatas, sa halip na magkaroon ng dalawang araw na number coding ay gumawa na lang ng short term measure para mapaluwag ang daloy ng trapiko.
Tulad umano ng paglilinis ng sidewalks at mga obstruction na humaharang sa trapiko bukod pa dito, kailangan na rin disiplinahin ang mga driver at commuters at ang mahigpit na pagpapatupad ng traffic laws and regulations.
- Latest
