Container van sinunog ng NPA
KIDAPAWAN CITY, North Cotabato, Philippines - Sinunog ng mga rebeldeng New People’s Army (NPA) ang container van na kargado ng niyog sa panibagong paghahasik ng karahasan sa Barangay Cuyago, bayan ng Jabonga sa Agusan del Norte noong Sabado.
Ayon sa pulisya, hinarang ng mga rebelde ang nasabing truck bandang alas-3 ng hapon na patungo sana sa bayan ng Medina, Misamis Oriental.
Pinababa ang driver at pahinante bago niratrat ang mga gulong saka sinunog ang container van.
Ayon kay Eric Montargas, driver ng container van, aabot sa10 rebelde ang humarang sa truck.
Dahil sa insidente, na-stranded ng 30-minuto ang daloy ng trapik kung saan naapektuhan ang mga motorista.
- Latest