Internet, combat zone na rin
Sa patuloy na bakbakan sa Marawi
MANILA, Philippines - Hindi lamang sa Marawi City nagpapatuloy ang labanan ng militar kontra sa mga teroristang Maute-ISIS kundi maging sa Internet din ay patuloy ang nasa mahigit nang isang buwang salpukan ng magkabilang puwersa.
Ito ang inihayag ni Lt. Col Jo-ar Herrera, Spokesman ng Joint Task Force (JTF) Marawi.
“While the conflict in Marawi City is ongoing, government troops engage the Maute terrorist group in fierce firefights, soldiers are also fighting another battle over the Internet”, pahayag ni Herrera.
Una nang na-monitor ng JTF Marawi ang 63 Facebooks accounts ng ISIS-Maute at kanilang mga sympathizers na ginagamit ng mga ito sa propaganda sa krisis sa lungsod ng Marawi na nag-umpisa pa noong Mayo 23 ng taong ito.
Ang nasabing mga accounts ay hiniling ng AFP sa Facebook na isara na dahilan ipinalalaganap nito ang terorismo.
Samantalang bunga nito ay pinalakas din ng Army’s 1st Infantry Division (ID) ang Digital Media Enhancement Capability nito upang labanan ang propaganda sa Internet ng teroristang grupo.
“This is part of the Division’s digital media initiatives to equip our personnel not only for actual combat operations but also enhance our digital capability in facing another kind of battle using Internet technologies for disseminating information online and bring the Division to the community it serves,” pahayag naman ni Brig. Gen. Rolando Bautista, Commander of the 1st Infantry (Tabak) Division at Task Force Marawi.
Sa pamamagitan ng nasabing sistema ay mahaharang umano ang pagpapakalat ng mga negatibo at maling impormasyon sa social media networks Maute-ISIS group.
Muli rin namang hinikayat ng opisyal ang mamamayan na sumuporta sa AFP sa giyera kontra terorismo para sa kapayapaan ng bansa.
- Latest