Paglapastangan sa simbahan sa Mindanao kinondena

MANILA, Philippines - Inalmahan at hinamon ni Cotabato Archbishop Orlando Cardinal Quevedo ang teroristang grupong Bangsamoro Islamic Freedom Fighters (BIFF) na parusahan ang kanilang mga miyembro na lumapastangan sa isang simbahan ng Katoliko sa North Cotabato para matuto ang mga ito na katumbas ng kanilang ginawa kung babastusin at sisirain din ang mosque at Qur’an.

“Such acts are similar to the desecration of a mosque and the sacred Qur’an by non-Muslims. Both desecrations are gravely sinful,”ani Cardinal Quevedo.

Aniya, hindi lamang sinira ng mga terorista ang mga religious icons, kundi binastos rin nila ang simbahan nang sirain ang chapel sa Malagakit village sa Pigcawayan.

Paliwanag niya, dapat umanong isipin ng pamunuan ng BIFF na turuan ng leksiyon ang mga tauhan na nambastos at nanira sa simbahan.

Samantala, nanawagan din ang Cardinal sa mga Katoliko sa lugar na magtulung-tulong upang maibalik ang kasagraduhan ng chapel.