‘Pagkawala’ ni VP Leni sinagot
MANILA, Philippines - Sinagot ni Vice President Leni Robredo sa pamamagitan ng isang posting sa kanyang Facebook account ang umano’y kanyang “pagkawala” kung saan personal niyang inasikaso ang paglilipat ng kanyang anak na si Aika na mag-aaral sa Harvard University sa Boston.
Nabatid na umalis sa bansa si Robredo noong Hunyo 15, na hindi inanunsyo sa publiko at base sa post ng Pangalawang Pangulo ay pabalik na ito at inaasahang darating ngayon.
Hindi ito kinukumpir-ma ng Office of the Vice President subalit sa post ni Robredo sinabi nito na “in few hours, am flying back home comfronted by the thoughts that Aika will be in very good company”.
Si Aika o Jessica Marie na panganay na anak ni Robredo ay tinanggap sa inaplayang Masters Degree programs sa Harvard at Oxford subalit base sa post ng Bise Presidente, sa Harvard University ang napili nitong paaralan.
Bukod dito, nakipagpulong din si Robredo sa United Way Foundation para mapalawak pa ang partnership umano ng kanyang Angat Buhay program.
- Latest
