Hontiveros binansagang ‘flip-flop king’ si Aguirre
MANILA, Philippines - Tinawag na “flip-flop king” ni Sen. Riza Hontiveros si Justice Secretary Vitaliano Aguirre II matapos pababain ang kaso ng mga pulis na sangkot sa pagpatay kay Albuera, Leyte Mayor Rolando Espinosa.
“From being the fake news king of Padre Faura, Secretary Aguirre is also now immortalized as the DOJ’s flip-flop king, an absolver of murderers,” pahayag ni Hontiveros.
Ito ang naging pahayag ni Hontiveros matapos ibaba sa homicide ng Department of Justice (DOJ) ang kaso laban kina dating Criminal Investigation and Detection Group (CIDG) Region 8 chief Marvin Marcos at 18 pang kasamahan niya.
“This is an obvious attempt at a cover up through an unabashed flip-flop. It is an act of impunity to cover up another act of impunity,” dagdag ng senadora.
Aniya, kailangang ipaliwanag ni Aguirre kung bakit ibinababa ang kaso sa mga pulis na pansamantala na ring nakalaya matapos makapagpiyansa.
“This may be the last straw for many of us. We cannot allow Secretary Aguirre to continue to toy around with our justice system. Enough’s enough,” wika ni Hontiveros.
Nanlaban umano si Espinosa sa mga pulis na magsisilbi sana ng search warrant sa kaniyang selda sa Leyte sub-provincial jail.
- Latest