Usapin sa lagay ni Duterte, isang destabilisasyon - Aguirre
MANILA, Philippines - Pinaniniwalaan ni Justice Secretary Vitaliano Aguirre II na parte umano ng destabilisasyon kontra administrasyon ang usapin sa lagay ng kalusugan ni Pangulong Rodrigo Duterte.
Sa isang eklusibong panayam ng The STAR kay Aguirre, binanggit niya na ang mga kumakalat na haka-haka tungkol sa ilang araw na pagkawala ni Duterte ay parte ng destabilisasyon.
“Unfortunately, some of those who are inquiring as to the state of his health were clearly engaged in misinformation or disinformation to mislead the public with the end in view of destabilizing the government,” wika ni Aguirre.
“They wanted to create the wrong impression that President Duterte was in serious health condition, which is farthest from the truth,” dagdag niya.
Samantala, kinontra rin ng kalihim ang pahayag ni Sen. Leila de Lima sa pagsasapubliko ng estado ng kalusugan ni Duterte.
Iginiit ni De Lima na naayon sa 1987 Constitution ang obligasyon ng mga kawani ng gobyerno na ilahad sa publiko ang lagay ng kanilang kalusugan.
Giit naman ni Aguirre na hindi ito kailangang gawin ni Duterte dahil hindi naman umano seryoso ang nararamdaman ng pangulo.
“It is not required by the Constitution to always disclose the health of the President. It is only in cases of serious illness that the President is required to disclose his illness, which isn’t the case with President Duterte,” paliwanag ni Aguirre.
- Latest