Pinoys sugatan sa London Tower fire

MANILA, Philippines – Kinumpirma ng embahada ng Pilipinas sa London na may mga Pilipinong nasugatan sa pagkasunog ng Grenfell Tower ngayong Miyerkules.

Sa official Facebook account ng embahada, sinabi nila na nasa emergency shelters ang mga sugatan.

Nagbigay rin sila ng mga numero na maaaring tawagan para sa iba pang impormasyon.

Anim na katao na ang naiulat na nasawi matapos masunog ang 24-palapag na gusali sa Lancaster West Estate sa West London.

Inaasahan na lolobo pa ang bilang ng mga namatay, ayon sa mga awtoridad.

Tinatayang nasa 600 katao ang nasa loob ng gusali nang masunog ito.