Resorts World gunman namaril ng 300 rounds
Security video released by the police and Resorts World Manila shows Jessie Javier Carlos walking away after setting fire to a gaming table. AP/Bernardo Batuigas
MANILA, Philippines – Ibinahagi ng pamunuan ng Resorts World Manila ang kuha ng closed circuit television cameras noong nanggulo ang isang armadong lalaki na ikinasawi ng 38 katao.
Base sa kanilang imbestigasyon, hindi bababa sa 300 rounds ang pinakawalan ng gunman na nakilalang si Jessie Carlos na dating empleyado ng Department of Finance.
Bagama’t walang tinamaan, nagdulot ito ng takot sa mga nasa loob ng hotel at casino sa Pasay City dahilan upang hindi makalabas ng establisyamento.
"Based on the audio recording, you would hear, based on our expert estimate, around 300 rounds fired or heard in the audio," paliwanag ni Resorts World president Kingson Sian sa imbestigasyon ng Kamara ngayong Miyerkules.
"It will then contextualize the whole environment and the situation of fear and partly explain why they did not come out from where they were hiding," dagdag niya.
Bukod sa pamamaril ay sinunog ni Carlos ang casino tables na nagresulta sa makapal at nakasusulasok na usok.
Ayon sa imbestigasyon ay hindi nakalabas ang mga nasawi sa ikalawang palapag dahil sa takot.
Natagpuan ang sunog na katawan ni Carlos sa ikalimang palapag ng Maxims hotel ngunit bago ito ay natamaan siya ng security personnel ng casino.
- Latest
