3 senador, Abad kakasuhan sa PDAF scam
Ayon kay DOJ Sec. Vitaliano Aguirre II, sa kanyang nakuhang impormasyon, kabilang sa mga sasampahan ng kaso sina Senators Antonio Trillanes IV, Leila de Lima at Franklin Drilon at dating budget Secretary Florencio Abad. STAR/File
MANILA, Philippines - Nakatakda na umanong magsampa ng kaso sa Department of Justice (DOJ) ang nakadetineng negosyante na si Janet Lim-Napoles laban sa ilang senador at dating nasa gabinete ng Aquino administration dahil sa Priority Development Assistance Fund (PDAF) scam.
Ayon kay DOJ Sec. Vitaliano Aguirre II, sa kanyang nakuhang impormasyon, kabilang sa mga sasampahan ng kaso sina Senators Antonio Trillanes IV, Leila de Lima at Franklin Drilon at dating budget Secretary Florencio Abad.
Pero wala pa namang reaksiyon dito ang abogado ni Napoles na si Stephen David.
Kung maaalala, kasunod ng acquittal ng Court of Appeals kay Napoles sa kasong serious illegal detention na kinasasangkutan ng kanyang dating aide na si Benhur Luy, inihayag ni Aguirre na posibleng gamiting testigo ang sinasabing utak ng pork barrel scam sa panibagong imbestigasyon ng DOJ.
Nilinaw naman ng Justice chief na nananatili at hindi maaapektuhan ng imbestigasyon ang plunder at graft cases ni Napoles sa Sandiganbayan.
Pero inalmahan ni Ombudsman Conchita Carpio-Morales ang plano ng DOJ na gawing state witness ang suspek sa P10 billion PDAF scam kung saan haharangin daw nila ito.
- Latest
