Death toll sa Marawi tumataas
Umakyat na sa kabuuang 41 miyembro ng Maute group at 13 sa tropa ng pamahalaan ang nasawi sa pagpapatuloy na operasyon sa Marawi City. File
MANILA, Philippines - Umakyat na sa kabuuang 41 miyembro ng Maute group at 13 sa tropa ng pamahalaan ang nasawi sa pagpapatuloy na operasyon sa Marawi City.
Ayon kay Lt. Col. Jo-ar Herrera, tagapagsalita ng Philippine Army’s 1st Infantry Division, ang 31 mga katawan ng mga miyembro ng Maute members ay narekober ng mga tropa, habang 13 sundalo ang nasawi, at 45 ang nasugatan.
Narekober din ng militar ang 16 na piraso ng mataas na kalibre ng armas mula sa mga bandido.
Samantala, ayon naman kay Brig. Gen. Restituto Padilla, tagapagsalita ng AFP, ang walong bangkay na nakuha ay pawang mga sibilyan, karamihan ay kababaihan at isa o dalawang kabataan, na natagpuan nitong Sabado ng gabi.
Dagdag ni Padilla, nagsasagawa na ng surgical operation ang military para malinis ang siyudad sa miyembro ng Maute, na pinaniniwalaang nagpakalat ng snipers at kahit mga child warriors laban sa tropa ng pamahalan
Ang mga lokal na terorista ay naglunsad ng pag-atake sa siyudad nitong nakaraang Martes, sinunog ang mga paaralan, isang simbahan at city jail.
- Latest
