Tag-ulan na - Pagasa
MANILA, Philippines - Unti-unting pumapasok ang panahon ng tag ulan sa ating bansa kaya palagiang nararanasan ang mga pag-ulan sa ibat ibang bahagi ng bansa laluna kung hapon o gabi.
Sa panayam kay Shirley Ignacio, weather specialist ng Pagasa, bagamat hindi pa full blown ang tag-ulan sa ating bansa ay maituturing na tag-ulan na dahil sa unti-unting pagpasok ng southwest monsoon.
Bunga nito, pinaalalahanan ang publiko na huwag kakalimutang magdala ng payong o kapote dahil sa tuwing tag-ulan kailangang mag-ingat dahil maraming sakit ang nararanasan tulad ng sipon, ubo, lagnat at trangkaso.
Pinaliwanag din nito na kung minsan kapag umuulan ay malagkit sa katawan ang panahon, ito ay dahil mahina ang pag-akyat ng water vapor kayat pinapawisan pa rin ang karamihang mga tao kahit may nararanasang pag-ulan na sa ating bansa.
Anya, wala naman silang inaasahang bagyo na papasok sa bansa ngayong magsisimula ang panahon ng tag-ulan sa bansa.
- Latest
