Gawang Pinoy ipinagmalaki ni Digong
MANILA, Philippines - Ipinagmalaki ni Pangulong Rodrigo Duterte ang kanyang suot na relo na Filipino made na may tatak na Ibarra.
Hinimok din niya ang kanyang gabinete na tangkilikin ang mga Filipino products tulad ng relong Ibarra gayundin ang mga sapatos at boots na gawang Marikina.
Aniya, wala nang ibang aasahan na mag-promote ng mga Filipino products tulad ng suot niyang relo na Ibarra kundi mismong Filipino.
Inatasan din niya ang mga heneral ng Armed Forces of the Philippines (AFP) na isuot ang mga gawang Marikina na boots dahil talagang maganda at matibay ang mga ito.
Aniya, siya mismo ay gawang Marikina ang sinusuot niyang boots upang ipakita sa ibang nasyon na mayroon tayong tatak gawang Filipino na tunay na maipagmamalaki.
Ginawa ng Pangulo ang apela matapos ang kanyang departure speech kahapon bago tumulak patungong Moscow mula sa Davao International Airport bandang alas-4:00 ng hapon.
- Latest