Problema na naman sa grupo ng Kadamay!
Mukhang magsisimula na ang problema sa grupo ng Kadamay matapos nga na ihayag kamakailan ni Pangulong Digong na ibibigay na sa kanila ang mga kinamkam na unit sa pabahay sa Pandi, Bulacan.
Pero mukhang iba pa ang pagkaintindi dito ng grupo, na biglang dumami ang bilang matapos ang pahayag ng Pangulo. Aba’y mukhang target sakupin ng mga ito ang iba pang pabahay ng pamahalaan nang ganun-ganun na lamang.
Naku po, iyan na nga ba ang sinasabi ng nakakarami, abusado ang mga ito.
Binigay mo na kamay mo, gusto hanggang braso kunin!
Aba’y mukhang gusto ring okupahan ng grupong ito ang iba pang pabahay sa mga sundalo at pulis sa Bocaue at Bustos. May report pa nga na nagpaplano rin ang grupong ito lusubin ang mga pabahay sa Rodriguez, Rizal.
Matindi ang mga ito na dapat , eh malinawan nila na ang ibinigay lamang sa kanila ay ang mga unit na inokupahan nila sa Pandi, Bulacan.
Hindi pa nga ito klarong mabuti dahil dapat pa silang dumaan sa tamang proseso. Dapat pang matiyak kung talagang sila ay maralita o kualipikado ba sila?
Maging ang mga residente sa pabahay sa Pandi, nagsasabing unfair ito para sa kanila na nagsisikap para mabayaran ang kanilang tinitirhan.
Ngayon, marahil baka sumakit ang ulo dito ni Pangulong Digong sa mga tila pasaway na Kadamay.
Baka imbes na maiwasan ang pagkakasakitan, eh hindi ito mapigilan dahil handa ang ilang homeowners sa ilang pabahay na bantayan at pigilan ang grupong ito.
Parang lalong lumaki ang problema, imbes na masolusyunan.
- Latest