Celebrities nagbaha sa concert sa Coldplay
CEBU, Philippines - Gidumugan sa Pinoy fans ang concert sa bandang Coldplay niadtong Martes sa Mall of Asia Ground.
Pipila sa nag-effort pagtan-aw sa concert ang pipila ka local celebrities . Kini sama nila ni Anne Curtis ,Erwan Heussaff, Sarah Geronimo ,Matteo Guidicelli, Toni Gonzaga, Paul Soriano, Bianca Gonzalez, JC Intal, Luis Manzano ,Jessy Mendiola, Dingdong Dantes, ug Marian Rivera.
Wala usab nagpaulahi sa concert sila si Kathryn Bernardo, Daniel Padilla, Piolo Pascual, Iñigo Pascual, Kylie Verzosa, Angel Locsin, Erich Gonzales, Julia Barretto, Joshua Garcia, Rayver Cruz, Yassi Pressman, Bela Padilla, Isabelle Daza, JC de Vera, Ejay Falcon, Yam Concepcion, ug Carla Abellana.
Nitan-aw pud si Maine Mendoza kinsa gisung-ay gyud ni Alden Richards aron lang gyud makakita og klaro sa iyang idolo
Meg molugwa sa GMA
Napupos na ang kontrata ni Meg Imperial sa ABS-CBN busa mahimo na siya nga makalugwa og laing network. Malakip si Meg sa umaabot nga show sa GMA News & Public Affairs nga D’ Originals. Makauban niya sa maong show mao sila si Jaclyn Jose, Katrina Halili, LJ Reyes, ug Kim Domingo.
Sarah nakulbaan
Karong April 16 na sugdan ang The Voice of the Philippines Teens edition. Giangkon ni Sarah Geronimo nga gikulbaan siya gamay sa iyang pagbalik isip usa sa mga coach sa maong programa. “Kinabahan ako, challenge po kasi sa akin ang umupo sa red chair na ‘yun. I promised myself mas mag-e-enjoy ako this time. Ayokong masyado to put the pressure on myself para hindi naman ako masyadong O.C.,” suma pa sa singer.
Mansion ni Shawie nahalin na
Nahalin na ang mansion ni Sharon Cuneta nga nahimutang didto sa California. Ang higala sa Hollywood actor nga si Adam Sandler maoy nakapalit sa maong balay. Ang buyer ginganlan og Allen Covert nga usa usab ka aktor. “I love you and miss you, California.I hope your new owners are loving you as much as I always will be…,” suma pa sa Facebook post sa aktres.
Jessica mi-renew sa GMA
Ni-renew si Jessica Soho sa iyang kontrata sa GMA-7 niadtong Martes. Kontento na si Jessica sa mga show niya sa maong network. Usa sa mga lig-on niya nga show mao ang State of the Nation sa GMA News TV. Naglawig usab ang magazine show nga Kapuso Mo Jessica Soho.
LT sa MMK
Si Lorna Tolentino ang bida sa episode sa Maalaala Mo Kaya karong Sabado, April 8. . Makauban niya si Alexa Ilacad sa maong episode.
Mibisita sa fan
Sa wala pa motikang sa concert niadtong Martes sa gabii, nihapit og bisita ang front man sa Coldplay nga si Chris Martin sa iyang fan nga si Ken Valiant Santiago kinsa naa sa tambalanan gumikan sa cancer. Nasayran nga excited na gyud unta kaayo si Ken nga makatan-aw sa concert sa Coldplay apan wala kini nadayon gumikan sa iyang kondisyon.
AlDub fans napungot
Niisa ang mga kilay sa fans nila ni Alden Richards ug Maine Mendoza human duna’y mga tawo nga nangintriga nga matud pa dili magdugay sa ere ang serye sa ilang mga idolo nga Destined To Be Yours. Nasayran nga wala’y paglubad ang suporta sa AlDub Nation ngadto sa ilang mga idolo.
Bag-ong movie
Nahan-ay na ang pagabuhaton nga pelikula ni Ai Ai delas Alas sa Cineko Productions. Nag-ulohan kini og Bes, Ang Galing Mo (May Nanalo Na, Uwian Na) ug makauban niya sila si Carmi Martin ug Zsa Zsa Padilla. (BANAT NEWS)
- Latest