Drug peddler inutas sa ospital
TUGUEGARAO CITY, Cagayan, Philippines - Tinapos ng gunman ang nagpapagaling na 47-anyos na drug suspek na nakaligtas sa pamamaril sa Cagayan habang nakaratay ito sa Far North Luzon General Hospital sa bayan ng Luna, Apayao noong Martes ng gabi. ?
Ayon kay P/Insp. Jejet Lopit, deputy chief of police sa bayan ng Luna, katatapos lamang na operahan at nagpapagaling sa recovery room ang biktimang si Andres Jimenez nang ratratin ng gunman na dumungaw sa bintana mula sa labas dakong alas-9 ng gabi.?
Lumikha ng komosyon ang serye ng putok ng baril kaya nagsitakbuhan ang mga bantay habang nagsisigawan at nag-iiyakan ang iba pang nakaratay sa pagamutan kaya mabilis na nakalayo ang gunman.?
Isinugod si Jimenez sa Cagayan Valley Medical Center subalit hindi na nakaabot ng buhay dahil sa tama ng bala sa ulo at dibdib.?
Ayon kay Lopit, unang dinala sa ospital sa bayan ng Luna si Jimenez noong Lunes matapos itong barilin ng riding-in-tandem assassins sa katabing bayan ng Abulug, Cagayan.?
Nabatid na nasa drug watchlist si Jimenez ng PDEA sa bayan ng Abulug at ika-3 sa buong Cagayan sa drugwatchlist ng pulisya.
- Latest