15 katao tiklo sa One Time Big Time Operation
MANILA, Philippines - Labinglima (15) katao ang inaresto ng mga awtoridad sa isinagawang One Time, Big Time (OTBT) operation ng mga awtoridad sa Brgy. West Crame, San Juan City kamakalawa ng gabi.
Ayon kay Eastern Police District (EPD) Director P/ Chief Supt. Romulo Sapitula, bandang alas-9 ng gabi nang isagawa ng San Juan City Police at District Public Safety Batallion (DPSB), ang operasyon sa pangunguna nina P/Sr. Supt. William Segun, sa Brgy. West Crame ng lungsod.
Kabilang sa mga naaresto ay si Ramil Bagagono, 50, driver, taga Brgy. Little Baguio, San Juan City, may warrant of arrest sa kasong child abuse, isang may warrant of arrest dahil sa resistance at disobedience to an agent of a person in authority na nakilalang si Jun Garce, 45, driver ng Brgy. Salapan ng naturan ring siyudad.
Samantalang anim naman sa mga naaresto ay sangkot sa paglabag sa PD 1602 o illegal gambling at apat naman ang inaresto dahil sa paglabag sa city ordinance No. 24 o drinking in public places. Ang iba naman ay dahilan sa hindi pagsunod sa traffic sign at isang pumasok sa “One Way”.
Inihayag pa ni Sapitula, maayos na natapos ang operasyon bandang alas-11:30 ng gabi na bahagi ng kanilang programa para labanan ang kriminalidad sa kanilang nasasakupan.
- Latest
